Kryetari i Partisë Demokratike të Kosovës, Kadri Veseli mesditën e sotme ka bërë homazhe tek memoriali i të pagjeturve në sheshin, “Ibrahim Rugova”.
Në ditën ndërkombëtare të pagjeturve, lideri opozitar theksoi se nuk ka amnisti për Serbinë ndaj gjitha krimeve që ka kryer në Kosovë.
“Serbia duhet të përgjigjet, përmes një tribunali ndërkombëtar që e kam kërkuar. Kjo çështje nuk duhet politizuar”, tha ai.
Ndonëse më herët, Veseli ka deklaruar se nuk do të votojnë asnjë qeveri, ai këtë herë refuzoi të përgjigjet për këtë çështje. /KP