Kryetari i PDK-së, Kadri Veseli, deklaroi sonte se nëse frikacakët, siç i ka quajtur ai VV-në, dështojnë të marin përgjegjësi, vendi shumë shpejt do të shkojë në zgjedhje të reja.
Veseli tha se qytetarët nuk meritojnë të maltretohen tash e sa muaj për interesa personale të ngushta.
“Me këto veprime të ulëta këta frikacakë po e dëmtojnë Kosovën e po e forcojnë Serbinë. E ne nuk do t’i lejojmë ta shkatërrojnë vendin për interesat e tyre”, tha ndër të tjera Veseli.
“Nuk është fushatë elektorale, ende nuk është fushatë elektorale, por po ju jap fjalën ikin si struc. Kështu si po ikin me marrë përgjegjësinë shumë shpejt do të ketë fushatë elektorale edhe shumë shpejt do të jetë Partia Demokratike e Kosovës, që do të udhëheq vendin”.
Një gjë duhet ta ketë të qartë secili, duhet me marrë përgjegjësinë, duhet me pas guxim, duhet me pas vizion, duhet me pas ndershmëri, duhet me pas moral me i shërby vendit edhe shtetit tënd. Kjo çka po ndodhë në këto ditë, e në këta muaj, është një reflektim jo pozitiv, i asaj çfarë po manifestohet tani. Aktualisht më tepër shqetësuese ajo çfarë po përçohet si mesazh dhe si mentalitet, ajo çfarë po përçohet se çka mund të ndodhë në vendin dhe shtetin tonë ta pavarur dhe sovran”, tha Veseli.
“Edhe njëherë po e përsëris, duhet të merren përgjegjësitë, rezultati zgjedhor ka qenë ai i cili ka qenë, populli ka folur, ne askush nuk ka të drejtë të maltretojë qytetarët e vendit të vet, por e ka për obligim të marrë përgjegjësitë të cilat i ka, në mënyrën që ky vend të ec përpara. Cikli demokratik pozitë-opozitë ka qenë gjithmonë, por ajo çfarë nuk duhet asnjëherë të dëmtohet është shteti, zhvillimi ekonomik, sovraniteti i Republikës së Kosovës. Me këtë mentalitet, po e rrënojnë këta njerëz shtetin tonë, po e forcojnë Serbinë”, tha ai.
Këto komente Veseli i bëri në shënimin 20-vjetorit të themelimit të Rinisë Demokratike të Kosovës