Kryetari i Nismës Social demokrate, Famir Limaj, ka mbajtur një konferencë për media.
Limaj ka thënë se veprimet lidhur me vendimin e Gjykatës Kushtetuese, do të ndërmerren pas dakordimit edhe me anëtarët e tjerë të koalicionit shtetëror.
“Ne si Nismë e respektojmë vendimin e Gjykatës Kushtetuese në opinionet e saj për Ligjin për Kompetencat e Dialogut, të kompetencave të delegacionit shtetëror për dialog. Pas vendimit të Gjykatës Kushtetuese ka pasur zhvillime të reja. Përfaqësuesit e opozitës, në këtë rast të PSD-së, kanë ofruar dorëheqje dhe ky është një zhvillim i ri”.
“Siç e dini, Gjykata Kushtetuese është marrur dhe ka analizuar tekstin e Ligjit, ndërsa delegacioni është krijuar me votën e parlamentit të Kosovës, me votën e parlamentet të Kosovës i mandatuar politikisht për të negociuar me Serbinë. Unë në ditët në vijim, do i ftojë partnerët e koalicionit, të bashkë bisedojmë për zhvillimet e fundit, dua t’i dëgjoj se si e shohin dhe si e vlerësojnë hapat e mëtejshëm të kësaj teme, dhe pasi të dëgjoj, ne si Nismë do të marr qëndrimin e duhur se si do ecim më tutje”, ka thënë ndër të tjera Limaj”, ka thënë ndër të tjera Limaj.
Ditë më parë Gjykata Kushtetuese ka publikuar analizën e saj lidhur me Ligjin për Dialogun dhe Kompetencat e Delegacionit Kushtetues.
Sipas Kushtetueses, ky ekip nuk ka bazë për të dialoguar me Serbinë.
