Deputeti i Lëvizjes Vetëvendosje, Armend Muja, i cili njëherit është edhe drejtues i Komisionit për Buxhet, Punë dhe Transfere, ka drejtuar sot një prej mbledhjeve të këtij Komisioni, ku në një rast është parë duke u sjellë vrazhdtë me një prej asistenteve që gjendej brenda mbledhjes.
Ka qenë duke folur shefi i deputetëve të PDK’së, Bedri Hamza, kur asistentja i është ofruar Mujës për t’i thënë diçka, derisa ky i fundit e ka injoruar plotësisht duke ia bërë me dorë që të kthehej në vendin e saj.
“Ulu aty”, dëgjohet teksa i thotë Muja.
Një diskutim mes Mujës dhe asistentes është parë edhe pas mbylljes së mbledhjes së Komisionit. Muja shihet duke i thënë diçka teksa e shoqëron edhe me lëvizje duarsh.
