Presidenti i vendit Hashim Thaçi, në konferencën për medie është deklaruar në lidhje me propozimin për shkarkimin e ambasadorëve të Kosovës, nga vendet e ndryshme të botës.
Ai tha se të emëruarit janë bërë në bazë të Kushtetutës, dhe se ai do të veproj në bazë të ligjeve.
Thaçi tha se të gjithë zyrtarët e shtetit do të vazhdojnë t’i kryejnë punët e veta në bazë të Kushtetutës.
“Përgjegjësia e të zgjedhurve apo emëruarve, të Kosovës, nëpër kryeqendrat e botës, kanë qenë vendimmarrje në respektimit të Kushtetutës. Unë do ta respektoj Kushtetutën dhe të veproj në bazë të ligjeve. Zyrtarët e shtetit do të vazhdojnë t’i kryejnë punët e veta në bazë të Kushtetutës dhe ligjeve. Nuk duhet të ndodhin veprimet e nxituara sepse dërgojnë mesazh të keq, para botës dhe vetes. Këto veprime tregojnë një praktikë të keqe, me të cilën Kosova nuk e ka përdoruar deri më tani, por e ka përdorur një shumë të mirë të vazhdimësisë”, tha Thaçi në konferencë.