Presidenti i vendit, Hashim Thaçi ka ndryshuar datën e mbledhjes së parë të legjislaturës së shtatë, nga 24 dhjetori për kur ishte paraparë për 26 dhjetor.
Në njoftimin e Presidencës thuhet se kjo është bërë me kërkesë të partive politike.
“Presidenti i vendit, Hashim Thaçi, pas kërkesës së shumicës së partive politike, ka ndryshuar datën e thirrjes së Mbledhjes së Parë të Legjislaturës së Shtatë të Kuvendit të Republikës së Kosovës. Duke respektuar kërkesën e shumicës së partive politike që kanë siguruar ulëse në Kuvendin e Kosovës, me sqarimin se data 24 dhjetor lidhet me pushimin për festën e Kërshëndellave, presidenti Thaçi ka vendosur që Mbledhjen e Parë të Legjislaturës së Shtatë të Kuvendit të Republikës së Kosovës ta thërras më datën 26 dhjetor, në orën 15:00”, thuhet në njoftim.
