Presidenti i Kosovës Hashim Thaçi thotë se mosmiratimi i Ligjit për Ekzekutimin e Sanksioneve Penale në Kuvendin e Kosovës është kthim prapa në përpjekjet e tyre për forcimin e sundimit të ligjit.
Presidenti Thaçi thotë se kjo nuk është hera e parë që Kuvendi i Kosovës dështon miratimin e ligjeve të rëndësishme në mungesë të kuorumit.
“Përkundër respektimit të punës dhe pavarësisë së deputetëve të Kuvendit të Kosovës, dështimet e kësaj natyre janë të pajustifikueshme”, shkruan Thaçi në Facebook.