Thaçi falënderon Trumpin, thotë se përfundimi i dialogut me Serbinë prodhon njohje reciproke
Presidenti i Kosovës, Hashim Thaçi, përmes një postimi në llogarinë e tij në Twitter ka falënderuar presidentin e Shteteve të Bashkuara të Amerikës, Donald Trump, për mbështetjen në dialogun Kosovë – Serbi.
Gjithashtu presidenti i vendit ka thënë se angazhimi i ambasadorit Richard Grenell dhe Këshilltari të presidentit për Siguri Nacionale, Robert O’brien, do të sjellë njohje reciproke të shteteve në përfundim të procesit.
“Faleminderit edhe njëherë presidentit Donald Trump për mbështetjen lidhur me dialogun Kosovë – Serbi. Angazhimi i Shteteve të Bashkuara të Amerikës përmes ambasadorit Richard Grenell dhe Këshilltarit të presidentit për Siguri Nacionale, Robert O’Brien, ka sjellë një dinamikë të re në proces dhe presim përfundimin e këtij procesi me njohje reciproke të shteteve”, ka shkruar Thaci në Twitter.
Yesterday, NSA O’Brien and @RichardGrenell met with @predsednikrs and @HashimThaciRKS. The Serbia-Kosovo relationship is of great importance to the Trump Administration. pic.twitter.com/BLhl9DKUkD
— NSC 45 Archived (@WHNSC45) March 3, 2020