Në emisionin “Komiteti” – i drejtuar nga Berat Buzhala – prodhim i Gazetës Express për RTV Dukagjini, Presidenti Hashim Thaçi, ka folur për bllokimin e ratifikimit të Demarkacionit me Malin e Zi nga opozita dhe një pjesë e deputetëve të pozitës, të cilët refuzuan ta votojnë.
Ai ka thënë se mosliberalizimi i vizave është përgjegjësi e të gjithë atyre që nuk e votuan Demarkacionin, për të cilin thotë se nuk ka cenuar territorin e Kosovës.
Presidenti Thaçi ka shtuar se deputetët, të cilët nuk e kanë votuar Demarkacionin kanë pasur kërcënime personale, por për këtë kanë ndikuar edhe organizimet në bazë të interesave personalë, gruporë e elektoral.
