Mediat serbe kanë mirëpritur deklaratat e fundit nga presidenti i Kosovës, Hashim Thaçi në lidhje me mundësinë e shfuqizimit të vendimit për taksë prej 100 për qind për mallrat e importuara nga Serbia.
“Lajm i mrekullueshëm për Pashkët Ortodokse”, Thaçi ka premtuar heqjen e taksës për mallrat serbe”, shkruan portali serb “Alo”, transmeton lajmi.net.
Portale të tjera serbe kanë mirëpritur deklaratat e fundit nga presidenti Thaçi për të përditshmen amerikane “Washington Post”.
Kosova është gati të shqyrtojë heqjen e taksës për produktet serbe nëse Kosovës i jepet një rrugë e qartë drejt arritjes së një marrëveshjeje finale paqësore me Serbinë”, kishte thënë Thaçi.
