Ndërkohë që Ministria e Mjedisit dhe Komuna e Prishtinës ia hedhin përgjegjësinë për ndotjen e ajrit njëra-tjetrës, statistikat flasin për rritje të numrit të të prekurve nga sëmundjet e frymëmarrjes
Për 25 për qind është rritur numri i pacientëve të sëmurë nga sëmundjet e organeve të frymëmarrjes dhe mushkërive në vitin e kaluar, krahasuar me një vit më parë, e të cilët janë hospitalizuar në Klinikën e Pulmologjisë.
“Njëri ndër shkaktarët e rritjes së këtij numri të të sëmurëve, dhe përkeqësimit të simptomave tek pacientët kronikë, patjetër që është edhe ajri i ndotur”, ka thënë drejtoresha e kësaj Klinike, Ilirjana Raça – Bunjaku.
