Deputeti i LVV-së, Haki Abazi ka thënë se është koha për vendime e jo për deklarata që mund të rëndojnë dikë apo të vonojnë marrëveshjen LVV-LDK.
Këto komente Abazi i bëri përmes një postimi në Facebook.
“Është koha për vendime dhe përgjegjësi të mëdha dhe jo për deklarata e fjalë që mund të rëndojnë dikë apo të vonojnë marrëveshjen LVV-LDK. Përgjegjësia për fjalën e thënë publikisht sot duhet të jetë më e madhe se asnjëherë më parë”, ka shkruar Abazi.
Ndryshe sot pasdite LVV i ka dërguar një letër LDK-së, letër kjo të cilën kreu i LDK-së, Isa Mustafa tha se nuk e konsideron zyrtare.