Manastiri i Deçanit ka spekuluar se aksioni i simbolik i kryer nga PSD’ja në objektin e kishës ortodokse në kampusin universitar të UP’së është kryer nga studentë të inkurajuar nga kryetari i Prishtinës, Shpend Ahmeti, të ciin e kanë quajtur “bashkëpunëtor të ngushtë politik të kryeministrit të Kosovës, Kurtit”.
Nëpërmjet një postimi në llogarinë e manastirit në ‘Twitter’, aksioni i Partisë Socialdemokrate quhet “blasfemik”, si dhe “akt vandal”, teksa bëjnë referim të pasaktë duke vënë bazën e informatës në raportimet e medieve.
“Sipas medieve shqiptare të Kosovës, aktet vandale në kishën ortodokse serbe në qendër të qytetit, në të cilën janë vendosur grafite blasfemike, u kryen nga studentë aktivistë të inkurajuar nga kryetari i Komunës së Prishtinës, Shpend Ahmeti, bashkëpunëtor i ngushtë politik i Kryeministrit të Kosovës Kurti”, thuhet në reagimin e manastirit.
https://twitter.com/DecaniMonastery/status/1403397130803462147?ref_src=twsrc%5Etfw%7Ctwcamp%5Etweetembed%7Ctwterm%5E1403397130803462147%7Ctwgr%5E%7Ctwcon%5Es1_&ref_url=https%3A%2F%2Fwww.gazetaexpress.com%2Freagojne-nga-manastiri-i-decanit-per-aksionin-e-psdse-i-inkurajoi-shpend-ahmeti-bashkepunetor-i-albin-kurtit%2F
Kryetari i Komunës së Prishtinës qe tri vite është larguar nga Lëvizja Vetëvendosje, derisa nuk është vërejtur ndonjë përafri e tij me kryeministrin Kurti, siç spekulohet në reagimin e Manastirit të Deçanit.
Po ashtu, pretendimi se aktiviteti simbolik është kryer nga aktivistë studentorë, është i rremë sepse PSD ishte ajo që mori përgjegjësi për aksionin. Në ‘Facebook’-un e tij, kryetari i kësaj partie, Dardan Molliqaj, ka kërkuar shkarkimin e Ministrit të Brendshëm pas mbajtjes së liturgjisë në objektin kishtar, duke thënë se Kosova është e pasigurt nën qeverisjen e Kurtit.
“Nuk e kemi ditur, tha ministri i kulturës. Nëse është kështu, atëherë ky është një dështim i madh. Ministri i Brendshëm duhet të jap dorëheqje, AKI duhet të përgjigjet gjithashtu. Kosova qenka krejt e pasigurtë nën udhëheqjen e tyre”, thuhet ndër të tjera në postimin e Molliqajt për aksionin simbolik.