Ramush haradinaj ka theksuar se Albin Kurti po tregohet axhami me heqjen e taksës duke dashur ta zëvendësojë me masën e reciprocitetit
“Ai po tregohet shumë axhami, vetë po vepron pa kundërvlerë, nëse Kurti insiston me e heq taksën pa një marrëveshje me opozitën atëhere ai po hyn në një drejtim që vetë do të marrë përgjegjësi”
Haradinaj gjithashtu ka theksuar se Kadri Veseli për heqjen e taksës ka kërkuar suspendim, ndërsa Kurti po vepron pa ndonjë kundërvlerë. Ndërkaq për marrëveshjen e Brukselit, ai thotë se ka qenë subjekt i Gjykatës Kushtetuese dhe se asnjë politikan nuk mundet me dalë kundër Gjykatës.
“Problemi është se marrëveshja e Brukselit ka qenë subjekt i Gjykatës tonë Kushtetuese dhe asnjë politikan s’mundet me dalë kundër Gjykatës, ne jemi të mbrojtur dhe besoj që Amerika e mirëkupton këtë”, është shprehur Haradinaj në Zonën e Debatit.