Qeveria në detyrë në mbledhjen e së premtes ka marrë vendim për ndarjen e 250 mijë euro për Koalicionin global kundër terrorizmit, nga fondi i shpenzimeve të paplanifikuara.
Kryeministri në detyrë, Ramush Haradinaj tha se Kosova mbështet Koalicionin global kundër terrorizimit.
“Kosova është e rreshtuar përkrah SHBA-së në mbrojtje të lirisë dhe demokracisë”, tha Haradinaj.
Ai tha se implikimi i shtetasve të Kosovës në ISIS ka shkaktuar pasoja dhe siç tha ai ka shtetas të Kosovës të vrarë atje.
“Duke qenë palë e prekur e ndiejmë… si vend i vogël por i vendosur për luftë kundër terrorizmit”, tha Haradinaj, duke i falënderuar të gjitha ata që kanë ndihmuar që të kthehen shtetasit e Kosovës nga vatrat e krizës.
