Policia ka njoftuar se janë arrestuar katër persona të dyshuar për vrasjen e L.B., 17 vjeçari në Prishtinë.
Zëdhënësja e Policisë së Kosovës, Flora Ahmeti, ka deklaruar se arrestimi i tyre është bërë pas një operacioni nga Njësiti për Hetime të Përgjithshme.
Në këtë aksion janë arrestuar I.E., mashkull, 19 vjeç, shtetas i Kosovës;
E.M , mashkull, 19 vjeç, shtetas i Kosovës, dyshohet të kenë kryer veprën vrasje e rëndë;
Ndërsa, I, mashkull, 18 vjeç, shtetas i Kosovës dhe L.B, mashkull, 20 vjeç, shtetas i Kosovës, ngarkohen me veprën, dhënie e ndihmës kryerësve pas kryerjes së veprës penale.
“Katër personat e dyshuar janë intervistuar nga ana e hetuesve të Njësisë së Hetimeve të Përgjithshme dhe pas intervistimit me aktvendim të prokurorit janë dërguar në qendrën e mbajtjes. Njësiti i hetimeve ka arritë të gjejë dhe sekuestrojë një armë, një skuter dhe disa prova të tjera që mund të shërbejnë në dokumentimin e rastit”, ka thënë Ahmeti.
Ndërkaq, sot ka ndërruar jetë 17-vjeçari, L.B, në Qendrën Klinike Universitare të Kosovës, i cili është plagosur ditën e enjte në Prishtinë.