Gjykata e Kurbinit ka vendosur sot masën “detyrim paraqitje” për policin David Medani, i cili plagosi tre persona, gjatë sherrit dy ditë më parë në Mamurras. Ndërkohë edhe për dy vëllezërit Gjon dhe Rudolf Fufi, gjykata e Lezhës po ashtu ka dhënë masën ‘detyrim paraqitje’.
Ngjarja u regjistrua dy ditë më parë, ku u konfliktuan polici David Medani dhe me tre vëllezërit Fufi, në mes të qytetit. Gjatë konfliktit polici Medani plagosi aksidentalisht 2 kolegët e tij dhe njërin prej personave të përfshirë, Nikoll Fufin. 2 policët Flamur Lleja dhe Ilir Zekaj morën plagë në këmbë, ndërsa ndodhen në spital jashtë rrezikut për jetën.
Masa për Nikoll Fufin (Vorfi) do të zhvillohet në spital.