Vendimi është para dy javësh. Pezullimin e këtyre OJQ-ve e kanë konfirmuar për lajmi.net nga Ministria e Administratës Publike, por që nuk kanë dhënë arsyet e as emrat e OJQ-ve të pezulluara.
“Departamenti për OJQ/MAP, ka marrë vendim për pezullimin e veprimtarisë së atyre OJQ-ve, e jo përmbyllje. Vendimet janë marrë në bazë të kërkesës së Organit kompetent të sigurisë. Ato (arsyet) mund t’i kërkoni te parashtruesit e kërkesës”, ka thënë për lajmi.net, Zeqir Bekolli, nga zyra për informim në këtë ministri.
Në mesin e shoqatave të pezulluara është edhe ajo e Katarit që vepron në Kosovë.
Kjo shoqatë aktivitetin e saj e ka zhvilluar kryesisht në ndihma të fëmijëve jetim e në kushte të rënda sociale.
Edhe disa vite më parë në Kosovë janë mbyllur disa OJQ, nën dyshimin për aktivitete të dyshimta.
