Zyrtari i lartë i PDK’së, Enver Hoxhaj, thotë se deri më tani në asnjë organ të partisë nuk është diskutuar mundësia e bashkëngjitjes në koalicionin qeverisë që e drejton Avdullah Hoti.
Ai thotë se deri më tani nuk kanë ndryshuar qëndrim dhe se do të qëndrojnë në opozitë.
“Qëndrimi është i njëjti. Ne kemi qëndrimin e njëjtë si më 6 tetor, ne mbesim në opozitë. Asnjëherë në organet e partisë nuk është diskutuar një gjë e tillë, ky është qëndrim edhe i kryetarit Veselit”, ka potencuar Hoxhaj në Frontal, raporton Express.
Ai thotë se pavarësisht situatës së krijuar me pandeminë dhe dialogun, PDK nuk do të lëviz drejt ekzekutivit.
“Por kur e shohim situatën e tillë, jo vetëm dialogun por edhe gjendjen me pandeminë, atëherë situate është serioze. Sa i takon përfshirjes në qeveri nuk ka vendim, ne mbesim në opozitë”, shton ai.
