LDK’ja që udhëheq me Ferizajn, po akuzohet nga PDK’ja, që është në opozitë, se e ka kapur arsimin në këtë komunë.
Por, këtë e mohon partia në pushtet, deri sa po e akuzon opozitën se po përzihet në punë private të LDK’së.
Sipas Gazmend Bytyqit nga PDK, partia në pushtet qysh tani ka zgjedhur drejtorët e ardhshëm të shkollave.
“Skandali është ky, që një komision i partisë në pushtet është duke vendosur se kush do të shkojë në trajnim’, tha ai për Klan Kosova.
Në drejtorinë komunale të Arsimit po thonë se drejtorët e shkollave propozohen nga vetë institucionet arsimore dhe se ende nuk ka kandidat që do t’i kryejnë trajnimet obligative për këtë post.