Lirimin nga burgu të ish-komandantit të UÇK-së, Ramush Haradinaj e ka komentuar edhe kreu i LIBRA-s, Ben Blushi.
Përmes një postimi në faqen e tij në Facebook, Blushi e këshillon Haradinajn të “adminstrojë statusin e tij prej martiri për të shmangur krizat e brendshme në Kosovë dhe më gjerë”
“Isha i bindur që Ramush Haradinaj do lirohej dhe është çështje kohe dhe pastrimi i të shkuarës së tij nga akuza të gjykuara dhe të paprovuara. Kosova, Shqipëria dhe Bashkësia Ndërkombëtare janë me Ramushin por tani i takon dhe atij të administrojë statusin e tij prej martiri për të shmangur krizat e brendshme në Kosovë dhe më gjërë. Cilësia më e lartë e heronjve është maturia!”, shkruan Blushi, shkruan Lapsi.al.
Ramush Haradinaj u la i lirë nga gjykata franceze me kusht që për 40 ditë të mos largohet nga vendi.