16 është numri i konfirmuar i të prekurve me koronavirus në Kosovë.
Si pasojë e kësaj qytetarëve u preferohet të qëndrojnë më tepër në shtëpi, në mënyrë që të mënjanojnë bartjen dhe rritjen e këtij virusi.
Por pavarësisht sugjerimeve nga institucionet dhe masave të ndërmarra, qytetarët në numër të madh iu drejtuan sot Parkut të Gërmisë, transmeton Indeksonline.
Vetura të shumta janë parë të ndaluara në këtë pjesë, teksa duhet përkujtuar që pavarësisht se Gërmia është një vend ideal për të ecur, mjekët preferojnë që distancë me njëri-tjetrin të jetë deri në dy metra.
Panik nuk duhet bërë, por kujdesi duhet të jetë i patjetërsueshëm.