Ka nisur takimi mes kryeministrit Haradinaj dhe Drejtorit të Përgjithshëm për Çështje Politike në ministrinë e Jashtme të Mbretërisë së Bashkuar, Richard Moore.
Mediat në këtë takim janë lejuar të marrin vetëm pamje, ndërkaq që nuk është raportuar se do të ketë konferencë për media, shkruan prishtinapress.eu
Temë diskutimi e këtij takimi pritet të jetë pezullimi i taksës ndaj Serbisë.
Kjo nënkuptohet edhe nga takimi parprak i Moore me Ekipin Dialogues.
Bashkëkryesuesit e Ekipit Dialogues me Serbinë, Fatmir Limaj dhe Shpend Ahmeti, pas takimit kanë thënë se Britania po kërkon pezullimin e taksës.
Sipas tyre, Moore ua ka bërë të ditur se pa pezullimin e taksës nuk mund të ketë vazhdim të dialogut me Serbinë.
