Kryeministri i vendit, Ramush Haradinaj është takuar sot me ministren e Punëve te Jashtme të Japonisë, Toshiko Abe.
Të njëjtit janë pajtuar që bashkëpunimin bilateral ta avancojnë në dimensione tjera, përcjell prishtinapress.eu
Tutje, Haradinaj ka treguar se Japonia do të hap ambasadë në vitin 2020 në Kosovë.
Postimi i plotë i kryeministrit:
Tashmë kur po shënojmë 10-vjetorin e marrëdhënieve të shkëlqyera diplomatike ndërmjet dy shteteve tona, me Ministren e Shtetit për Punë të Jashtme të Japonisë, Toshiko Abe, u pajtuam që bashkëpunimin bilateral ta avancojmë në dimensione të reja. Hapja e ambasadës japoneze në Kosovë në vitin 2020 do t’i jap impuls të ri miqësisë dhe partneritetit tonë. Japonia, si mbështetëse e madhe dhe e gjithanshme e Kosovës në rrafshin ekonomik dhe politik, mbetet partner i rëndësishëm në konsolidimin tonë ndërkombëtar.
