Në veri të Kosovës ka vdekur edhe një person i infektuar me COVID-19, ndërsa edhe tre persona të tjerë janë raportuar të infektuar brenda 24 orëve të fundit
Sipas Shtabit Emergjent të komunës së Mitrovicës së Veriut, pacienti që vdiq është nga Mitrovica, kurse tre personat e infektuar janë nga Leposaviqi.
Raportohet se janë shëruar pesë pacientë me COVID-19, katër nga Veriu i Mitrovicës dhe një nga Zubin Potoku, raporton Radio Kontakt Plus, përcjell Telegrafi.
Deri më tani, gjithsej 108 persona janë infektuar me COVID-19 në komunat me shumicë serbe të Kosovës, prej tyre nëntë kanë vdekur dhe 72 pacientë janë shëruar.
