Kryetari i LDK-së, Isa Mustafa ka nisur takimin me kryetarin e Nisma Socialdemokrate, Fatmir Limaj.
Pak para këtij takimi që po mbahet në Kuvendin e Kosovës, Mustafa para medieve ka thënë se i kanë numrat për formimin e Qeverisë.
“Numrat janë sigurisht mos mi pas numrat nuk kishim punu”, ka thënë Mustafa.
Ai ka thënë se ende nuk i kanë diskutuar emrat e ministrave të mundshëm.
“Jemi duke biseduar, unë nuk kam qenë i kyçur drejtpërdrejtë por ka qenë kandidati për kryeministër Avdullah Hoti.
Ai është sot këtu dhe me të do të bisedojmë se deri ku kemi arritur, mirëpo negociatat i bënë ekipi në krye me zoti Hotin”, tha ai.
Mustafa theksoi se kur marrëveshjet për koalicione të jenë gati, ai si kryetar i LDK-së do t’i nënshkruaj.