Ministrja e Drejtësisë Dhurata Hoxha, ka pritur në takim, zëvendësministrin e sapoemëruar të Drejtësisë, Munir Basha, të cilit i dëshiroi mirëseardhje dhe sukses në detyrën e re.
Njohja me të arriturat dhe sfidat aktuale të Drejtësisë ishin temë e takimit të parë në mes të ministres Hoxha dhe zëvendësministrit, Munir Basha.
Ministrja Hoxha i ofroi mbështetje dhe përkrahje të plotë Bashës, duke theksuar se më shumë se kurrë, duhet përkushtim dhe bashkëpunim që fuqizimi i sundimit të ligjit të jetë prioritet i vazhdueshëm i institucioneve tona.
Basha tha se do të angazhohet maksimalisht për realizimin e prioriteteve të Ministrisë, si sundimin e ligjit si dhe ngritjen e besimit të qytetarëve në sistemin e drejtësisë.