Gjatë raportimin në Komisionin e Punëve të Brendshme, ministri Bejtush Gashi është pyetur nga deputeti Xhelal Sveqla nëse ka qenë i informuar për vizitën e presidentit Thaçi në Ujman.
Ministri për këtë vizitë tha se vizitat e presidentit janë pjesë e agjendës së tij dhe se MPB duhet të përmbush kërkesat për vizitat e presidentit
“Vizitat brenda Kosovës janë agjendë e presidentit dhe nën autoritetin e tij. Ne jemi të obliguar të përmbushim kërkesat e vizitës së tij, vizitë kjo e cila u përmbyll pa tensione”, tha Gashi, raporton kallxo.com.
“Vizita nuk ka qenë shqetësuese, sepse është realizuar brenda territorit të Kosovës. Ne duhet të krijojmë kushte për këto vizita dhe duhet t`i sigurojmë ato”, ka thënë ministri Gashi para anëtarëve të Komisionit Parlamentar për Punë të Brendshme, Siguri dhe Mbikëqyrjen e Forcës së Sigurisë së Kosovës.
