Edhe mëngjesin e sotëm bashkatdhetarët tanë, që po kthehen nga pushimet në Kosovë, po përballen me pritje të gjata në pikë kalimet kufitare me Serbinë, në Merdare, Mutivodë dhe te Dheu i Bardhë.
Sipas raportit të Qendrës Kombëtare për Menaxhim Kufitare, të orës 8 të mëngjesi, për të dalë nga Kosova nga pikë kalimi kufitar në Merdare, qytetarët duhet të presin deri në 7 orë. E kolona thuhet të jetë deri në 1.6 kilometër.
Pritje të gjata në dalje ka edhe në pikë kalimet ufitare ne Mutivodë dhe te Dheu i Bardhë.
Në Mutivodë pritet deri në një orë e gjysmë, kurse kolona e automjeteve është deri në 100 metra.
Tek Dheu i Bardhë pritjet janë deri në 60 minuta në dalje, kurse kolona e automjeteve arrinë deri në 500 metra.
Në pikë kalimet e tjera kufitare me Serbinë dhe vendet e tjera fqinje nuk ka pritje të gjata.
Për të përcjellur gjendjen në kohë reale në të gjitha vendkalimet kufitare të Kosovës me vendet fqinje klikoni në faqen e Qendrës Kombëtare për Menaxhim Kufitar.
