Kryetari i Nisma Socialdemokrate Fatmir Limaj, gjatë hapjes së punimeve në degën së kësaj partie në Skenderaj, ka kujtuar kohën kur ka qenë ministër i Transportit dhe asfaltet që i ka shtruar në fshatrat e Skenderajt gjatë kohës sa ishte pjesë e PDK-së.
“Unë ndihem mirë që jam në Skenderaj në një qytet dhe një komunë, që kur kam ardhë në qeverisje në 2007-en, si ministër i Transportit, 97 për qind e fshatrave të Skenderajt kanë qenë në lloq. Dhe kur kam dalë në 2008-en, 98 për qind të fshatrave të Skenderajt kanë qenë të asfaltuara”, kishte deklaruar Limaj.
Por, ish-kryetari i kësaj komune, Sami Lushtaku, u është përgjigjur deklaratave të Limajt. Ai ka thënë se edhe Limaj ka kontributin e vet në zhvillimin e Skenderajt. Megjithatë, Lushtaku ka thënë se Limaj nuk ka fuqi në Skenderaj.
“Limaj nuk po arrin të krijojë as nëndegë në Skenderaj. Ajo që e ka krijuar janë vetëm disa individë”, ka thënë Lushtaku.