Zëvendëskryeministri i Kosovës, Fatmir Limaj, ka pritur në takim ambasadorin e Gjermanisë në Kosovë, Christian Heldt, me të cilin kanë biseduar për zhvillimet aktuale politike në vend.
Limaj ka shkruar në llogarinë e tij në ‘Facebook’, se Samiti i Berlinit ka qenë një mundësi e mirë për të paraqitur qëndrimet tona dhe siç shkruan Limaj “ishte konstatim i përbashkët që duhet të vazhdohet dialogu mes dy vendeve për të ardhur të një marrëveshje gjithëpërfshirëse finale”.
Postimi i Limajt: Si gjithnjë, ishte kënaqësi ta prisja në takim ambasadorin e Gjermanisë, Christian Heldt, me të cilin biseduam për zhvillimet aktuale politike në vend.
Samiti i Berlinit ka qenë një mundësi e mirë për t’i paraqitur qëndrimet tona dhe ishte konstatim i përbashkët që duhet të vazhdohet dialogu mes dy vendeve për të ardhur te një marrëveshjeje gjithëpërfshirëse finale.
Ambasadorin Heldt e falënderova për ndihmën e vazhdueshme që Gjermania ka dhënë për Kosovën në të gjitha etapat.
