Ky është deputeti më i vjetër që do ta udhëheq seancën konstituive të Kuvendit

Seancën e parë të konstituimit të Kuvendit të Republikës së Kosovës do ta udhëheqë Avni Dehari

Tashmë gjithçka po shkon drejt konstitumit të Kuvendit të Republikës së Kosovës.KQZ ka shpallur edhe rezultatet përfundimtare, me ç’rast me 49.95% të votave, Vetëvendosje ka fituar vendin e parë dhe numrin më të madh të deputetëve, saktësisht 58 sosh.

Nga partia fituese tashmë kanë treguar edhe kur do të përmbyllet edhe formimi i institucioneve.

Avni Dehari, që në këto zgjedhje fitoi më shumë se 50 mijë vota, është deputeti më i vjetër i zgjedhur.

Ai më 3 Maj të këtij viti do t’i mbushë 74 vite jetë. Këtë e ka konfirmuar edhe aktivisti politik, Afrim Berisha përmes një postimi në rrjetin social “Twitter”.