Ministri i Jashtëm i Serbisë, Ivica Daçiq ka takuar në Beograd shefin e diplomacisë së autoritetit palestinez, Riyad al-Maliki, i cili po qëndron për vizitë në Serbi. Me këtë rast ministri i Punëve të Jashtme të Serbisë, Daçiq ka shprehur mirënjohje për mbështetjen që palestinezët i kanë dhënë Serbisë në organizatat ndërkombëtare, duke mos votuar për anëtarësimin e Kosovës.
E për këtë gjë ka reaguar kryetari i Këshillit Kombëtar të Nismës, Jakupt Krasniqi, i cili ka thënë se një kriminel nga Serbia e paska falënderuar një gomar nga Palestina, pse ky i fundit e ka mbështetur politikën e krimit e të gjenocidit që Serbia ka ushtruar mbi shqiptarët e Kosovës, përcjell Insajderi.
“Ky idiotizëm i diplomatit palestinez më bëri që të me vije keq pse për dekada e kam mbështetur luftën e palestinezëve për liri e pavarësi.
Nejse, koha po tregon se ai ambient ka shumë idiotizëm e pak urti?!”, ka shkruar Krasniqi në Facebook.