Kosova është paraqitur me fusnotë në marrëveshjen për themelimin e Zyrës Rajonale për Bashkëpunim Rinor, e cila është nënshkruar në korrik të vitit të kaluar nga kryeministri i Kosovës, Isa Mustafa, si dhe kryeministrat e Shqipërisë, Bosnjë-Hercegovinës, Malit të Zi, Maqedonisë dhe Serbisë
Kjo ka bërë që kundër Projektligjit për ratifikimin e kësaj marrëveshjeje, në Komisionin parlamentar për arsim, shkencë, teknologji, kulturë, rini dhe sport, të votojë deputeti i lëvizjes Vetëvendosje, Ismajl Kurteshi.
Megjithëkëtë me këto vota pro ky Ligj është përcjellë për lexim të parë në Kuvend.
Kurteshi ndër të tjera ka thënë se ka vërejtje sa u përket termeve me të cilat i është referuar Kosovës në këtë Ligj dhe atyre në memorandumin shpjegues të ligjit.
Ai ka thënë se në këtë marrëveshje Kosova është shkruar me fusnotë.