Glauk Konjufca, nënkryetari i Lëvizjes Vetëvendosje, është zgjedhur me 75 vota kryetar i Kuvendit të Republikës së Kosovës.
Ai në seancën konstituive mbajti fjalimin e parë si kryetar i Kuvendit.
“Qysh në fillim duam që t’ju falënderojmë që e themeluat legjislaturën e shtatë të Kuvendit të Kosovës. Ju falënderoj që na besuat këtë dëshirë me përgjegjësi. Ju garantojmë që edhe si Kryesi e Kuvendit të Kosovës që do t’i kryejmë detyrat tona ashtu siç kërkohet me shumë nder sipas ligjeve të Republikës së Kosovës dhe Kushtetutës sonë që është në fuqi. Po i bashkëngjitem urimit të juaj si deputetë të Republikës së Kosovës për ata që janë më të rëndësishmit, qytetarët e Republikës së Kosovës sepse pa besimin e tyre s’do të ishim këtu ku jemi”, ka thënë ai.
Konjufca ka mbyllur seancën konstiutive të Legjislaturës VII.
