Ka kaluar në Komisionin për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit, ndryshimi i propozuar nga Qeveria e Kosovës për ndryshimin e Ligjit për Zgjedhjet e Përgjithshme.
Ky propozim ndryshim u miratua me 6 vota të VV-së dhe pakicave. Ndërsa për rreth 1 orë është zhvilluar një debat mes deputetëve të pozitës dhe opozitës.
Qeveria e Kosovës ka miratuar sonte ndryshimin në Ligjin për Zgjedhjet e Përgjithshme që qytetarëve të Kosovës që jetojnë në diasporë që t’u mundësohet votimi në ambasadat e vendeve ku jetojnë.
Partitë opzitare PDK, LDK dhe AAK kanë braktisur mbledhjen.
Të parët e lëshuan mbledhjen deputetët e PDK-së, pastaj ai i LDK e më pas edhe deputeti i AAK-së.
Ata patën vërejtje për mënyrën e thirrjes së mbledhjes dhe mënyrën se si po tentohet të bëhen ndryshime në Ligjin për Zgjedhjet.
Ky ligj vjen në kuvend para mbajtjes së seancës për zgjedhjen e presidentit të ri të vendit dhe nga partitë opozitare, është cilësuar si shantazh.
Por, më herët shefja e deputetëve të LVV-së, Mimoza Kusari-Lila, tha se ky ligj nuk është shantazh ndaj partive të tjera, por jetësim i një premtimi elektoral të LVV-së.