Mirëpo, marrja e shtetësisë shqiptare hapi debatin se Haradinaj mund të ekstradohet në Shqipëri. Serbët thanë se Haradinaj nuk mund të ekstradohet në Shqipëri pasi Serbia po e kërkon atë.
Ndërsa, profesori i së Drejtës Ndërkombëtare, Afrim Hoti i tha lajmi.net, se Franca nuk ka të drejtë sipas Konventës për Ekstradim, të ekstradojë shtetas të huaj. Pra, profesori tha se Haradinaj është shtetas i Kosovës dhe se Franca nuk mund ta ekstradojë atë në Serbi.
“Konventa për të ekstradim e 1957 nuk lejon që shtetet të ekstradojnë shtetasin e huaj. Haradinaj është shtetas i Kosovës dhe nuk ka të drejtë, sipas konventës, Franca ta ekstradoj në Serbi”, u shpreh Hoti.
Sipas profesorit të së Drejtës Ndërkombëtare, ekziston vetëm një rrezik, “sepse Serbia thotë se është shtetas i imi, shtetas i Serbisë, mbi këtë bazë ekziston rreziku me e ekstrau”.
“Përndryshe në rrethana normal kur është shtetas i Kosovës ose në këtë rast i Shqipërisë, pasi është edhe anëtare e Europol-it, Franca nuk ka të drejtë të dorëzoj shtetasin e huaj”, tha në fund Afrim Hoti.
