Ish-kryeministri i Kosovës dhe kreu i AAK-së, Ramush Haradinaj i cili është duke qëndruar në Francë në pritje të seancës gjyqësore të radhës sot është vizituar nga vëllezërit e tij.
Kjo është bërë e ditur përmes një fotografie të postuar në Facebook, në të cilën shihen Ramushi dhe vëllezërit e tij, Frashëri e Vetoni, shkruan lajmi.net.
Gjykata e Colmarit në Francë nesër, 6 prill mban seanca ndaj ish-kryeministrit kosovar, Ramush Haradinaj.
Haradinaj është ndaluar nga autoritetet franceze më 4 janar, bazuar në një fletë-arrest të lëshuar nga Serbia.
Komandanti i Zonës së Dukagjinit, akuzohet nga Serbia për krime lufte, që nisur nga këto akuza, Prokuroria Speciale e Serbisë, pati paraqitur dhe kërkesën për ekstradimin e Haradinajt në Serbi.
