Hapën lokalin e lojërave të fatit që mbylli policia, arrestohen pesë persona

Prishtinapress

6 years ago

Me datë 28 mars 2019, Policia e Kosovës, konkretisht njësia për Hetimin e Krimeve Ekonomike dhe Korrupsionit në Prishtinë ka pranuar informatën se një lokal i lojërave të fatit është duke ushtruar veprimtarinë e saj edhe përkundër faktit së ishte mbyllur ditë më parë.

Si rezultat i operacionit policor të realizuar ditë më parë, lokali i lartëcekur i cili ndodhet afër rrethit të QMI-së, saktësisht tek udhëkryqi Prishtinë – Ferizaj – Lipjan ishte mbyllur nga zyrtarët e ATK-së.

Me rastin e pranimit të informatave se i njëjti lokal i lojërave të fatit përsëri është duke zhvilluar veprimtarinë e saj, në vendngjarje kanë dalë zyrtarët policor të rendit publik dhe të drejtorisë kompetente, të cilët kanë bërë arrestimin e (5) personave, prej tyre (1) punëtor dhe (4) persona të tjerë që ndodheshin në lokalin e lojërave të fatit.

Lidhur me rastin të dyshuarit e arrestuar janë :

A.Q – 1982 M/SH/K

B.S – 1965 M/SH/K

Xh.I – 1979 M/SH/K

N.C – 1979 M/SH/K

S.V – 1981 M/SH/K

Në bashkëpunim me zyrtarët e ATK-së, lokali është ri-mbyllur.

Me aktvendim mbi ndalim nga ana e Prokurorisë Themelore në Prishtinë të gjithë personat e arrestuar janë dërguar në qendrën e mbajtjes për 48 orë.