I dërguari i posaçëm i presidentit Donald Trump, për dialogun Kosovë-Serbi, Richard Grenell, e ka quajtur udhëheqës të guximshëm kreun e LDK-së Isa Mustafa, pasi deklaroi të dielën se taksa duhet të hiqet sa më parë.
Përmes një shkrimi në Twitter, Grenell shkroi se heqja e tarifës 100 për qind nga qeveria Kurti, do të ishte hap i rëndësishëm për të ecur tutje..
“Një fill shumë i mirë. Isa Mustafa është një udhëheqës i guximshëm. Largimi i tarifës nesër, do të ishte një fillim i shkëlqyeshëm dhe një përparim i dukshëm në këtë proces. Zhvillimi ekonomik nuk mund të ecë përpara derisa tarifat të hiqet”, ka shkruar Grenell.
Very good thread. @IsaMustafaKS is a courageous leader. Dropping the tariffs tomorrow would be a great beginning to much more progress – and it would move quickly. But economic development can’t move forward til the tariffs are dropped. https://t.co/mWAmDyGfek
— Richard Grenell (@RichardGrenell) March 1, 2020