Përkundër borës së madhe dhe temperaturave të ulëta, qytetarët e Gjakovës kanë dalë sot pranë Kishës Ortodokse për të kundërshtuar ardhjen e pelegrinëve serbë në qytet.
Sipas njoftimeve, pelegrinët serbë pritet të arrijnë në Gjakovë rreth orës 12:00-13:00, shkruan Periskopi.
Kujtojmë se para dy viteve ishin organizuar protesta kundër po të njëjtëve pelegrinë, me ç’rast ministri i atëhershëm për Kthim dhe Komunitete, Aleksandar Jabllanoviq kishte ofenduar rëndë nënat gjakovare duke i quajtur “egërsira”.
Pas këtij ofendimi u nxitën protesta edhe më masive, që detyruan shkarkimin e ish-ministrit të kabinitetit të Isa Mustafës.
Prani e shtuar e Policisë është vërejtur para pritjes së pelegrinëve.
