Përfaqësuesja e Kosovës do të përballet të enjten më 21 mars me Danimarkën, ndërsa më 25 mars me Bullgarinë, në ndeshjen kualifikuese për EURO 2020.
Si në herët e tjera edhe kësaj radhe biletat kanë filluar të shiten në tregun e zi, shkruan prishtinapress.eu
Në ueb-faqen “MerrJep.com”, disa qytetarë kanë filluar t’i keqpërdorin biletat që i kanë marrë nga sistemi i Federatës së Futbollit të Kosovës për ndeshjen ndaj Danimarkës dhe Bullgarisë.
Po të hyni në këtë uebfaqe, mund të shikoni se ka disa shpallje për shitjen e biletave në mënyrë ilegale.
FFK e ka krijuar sistemin online për shitjen e biletave, në mënyrë që mos të bëhen keqpërdorime të biletave nga persona të papërgjegjshëm.
Por, edhe kësaj radhe një numër i biletave për këto dy ndeshje kanë filluar të shiten në tregun e zi, ndërsa Federata ende nuk po arrin të bëjë asgjë në lidhje më këtë fenomen.
Më poshtë, prishtinapress.eu u ofron postimet e bëra nga disa qytetarë, që po shesin bileta në mënyrë të jashtëligjshme.
