Granit Xhaka nuk po kalon momente të mira te Arsenali që nga ndeshja me Crystal Palacen, ku ndodhi edhe polemika me tifozët.
Mesfushori ka qëndruar jashtë fushave, ndërsa i është hequr edhe shiriti i kapitenit.
“Topçinjtë” do të luajnë këtë fundjavë përballë Leicester një ndeshje mjaft interesante, por Granit Xhaka do të jetë përsëri jashtë ekipit për të katërtën ndeshje radhazi.
Trajneri Unai Emery tregtoi se nuk ishte vetëm vendim i tij për ta lënë lojtarin jashtë, pasi diçka të tillë e kishte diskutuar me Xhakën.
“Fola me të që ditën e martë për sa i përket gjendjes së tij fizike dhe psikologjike. Xhaka po stërvitet dhe po punon, por më tha që nuk ndihet akoma gati për të luajtur dhe ne do të presim”, ka thënë Emery.
