“Kam shpresuar që dorëheqja ime të shërbejë, mes tjerash, edhe si një lloj alarmi për gjendjen e krijuar brenda organizatës. Në mënyrë që të fillojmë ta trajtojmë atë seriozisht. Që ta bëjmë Lëvizjen bashkë. Që t’i ndalim animozitetet e aktivistëve ndaj njëri tjetrit. Që të mos shpifin e gënjejnë. Që të mos linçojnë e degradojnë. Deri tash pashë pikërisht të kundërtën. Pashë vetëm arrogancë. Ç‘fatkeqësi!”, ka shkruar Ymeri në facebook.
E në gjithë këto akuza, duket se Visar Ymeri nuk është vetëm.
Dardan Molliqaj njëri nga më të përfolurit për arsyet e ndarjes në VV, e ka shpërndarë statusin e Ymerit në facebook.
Këtë e ka bërë pa e shkruar as edhe një fjalë. Duke u pajtuar në plotëni me ish-kryetarin e partisë.
Me të shpërndarë këtë në facebook, ndaj Molliqajt kanë nisur sharjet dhe ofendimet nga aktivistët pro Albin Kurtit.
