Dy nga tre fëmijët e përfshirë nga ujërat e Arizonës të premten pasdite janë gjetur të vdekur ndërsa një vajzë tjetër, 6-vjeçare, mbetet e humbur, thanë autoritetet të shtunën.
Djali dhe vajza, të dy pesë vjeçar, u zhdukën gjatë stuhive të rënda kur makina e familjes së tyre u mbërthye nga ujërat përmbysëse ndërsa kalonte Tonto Creek në Basenin, afër kufirit të New Mexico, rreth orës 4 pasdite të kohës lokale, transmeton Telegrafi.
Një burrë dhe katër fëmijë arritën të dilnin nga automjeti dhe u shpëtuan nga një helikopter ndërsa një grua u gjet në breg, por tre fëmijët e tjerë humbën në ujërat dhe nuk mund të gjendeshin, tha policia.
Pas një operacioni kërkimi, autoritetet të shtunën pasdite bënë njoftimin tragjik se kufomat e një djali dhe një vajze ishin gjetur afërsisht tre kilometra larg nga vendi se ku kishin rënë.
Kërkimet vazhdojnë për vajzën 6-vjeçare, prindërit e së cilës ishin gjithashtu në makinë.