Sindikata e Pavarur e Minatorëve të Trepçës ka reaguar ashpër ndaj deklaratës së zëdhënëses së Komisionit Evropian, Maja Kocijançiç e cila ka thënë se Trepça do të jetë temë e bisedimeve me Serbinë.
Sipas Sindikatës, diskutimi për Trepçën e cenon direkt sovranitetin e Republikës së Kosovës, përcjell prishtinapress.eu
Reagimin në emër të gjithë Sindikatës e ka bërë kryetar i Sindikatës së Punëtorëve të Trepçës, Shyqri Sadiku.
“Sindikata e pavarur e minatorëve të Trepçës reagon ashpër ndaj deklaratës së zëdhënëses së Komisionit Europian, Maja Kocijancic që Trepça të jetë si temë diskutimi në dialogun në Bruksel. Trepça është e minatorëve, Trepça është pasuri kombëtare e Republikës së Kosovës. Diskutimi për Trepçën cenon direkt sovranitetin e Republikës së Kosovës”, ka shkruar Sadiku në Facebook.
