Ambasadori amerikan në Prishtinë, Greg Delawie, ka uruar Kosovën në ditën e saj të Kushtetutës.
Në urimin e tij të postuar në Twitter, ndjehet krenar që është pjesë e histrorisë së gjatë të mbështetjes afatgjate të Shteteve të Bashkuara të Amerikës ndaj Kosovës,transmeton Klan Kosova.
“Urime Dita e Kushtetutës! Krenar që jam pjesë e tregimit të gjatë të mbështetjes së SHBA-së ndaj Kosovës. Shpresoj t’i shoh këtë vit institucionet edhe më të forcuara”, ka shkruar Delawie.
Kosova sot shënon 9 vjetorin e miratimin e Kushtetutës nga Kuvendi i Kosovës .
Kushtetuta e Republikës së Kosovës, e miratuar më 9 prill të vitit 2008, bazamentin e ka në Dokumentin e Ahtisaarit, mbi bazën e të cilit edhe është shpallur pavarësia e Kosovës më 17 shkurt të vitit 2008.
Akti më i lartë juridik ka hyrë në fuqi më 15 qershor të vitit 2008.
