Ambasadori i Amerikës, Greg Delawie ka reaguar lidhur me deklaratën e kryetarit të Kuvendit, Kadri Veseli lidhur me Gjykatën Speciale.
Delawie ka thënë se e mirëpret deklaratën e Veselit për Specialen.
Ndryshe kryeparlamentari, Veseli gjatë ditës së djeshme përmes një kolumne në media ka thënë se kjo Gjykatë, do të formohet dhe se klasa politike nuk ka fuqi ta ndalojë atë.
“E mirëpres deklaratën publike të kryeparlamentarit Kadri Veseli dhe liderëve të partive të tjera të cilët kanë ofruar përkushtim ndaj Gjykatës Speciale”, ka shkruar Delawie në Twitter.
