Nënkryetar i qeverisë serbe dhe ministri i jashtëm Ivica Daçiq, tha sot se presidenti i Kosovës, Hashim Thaçi vazhdon me provokimet pas idesë së tij për të formuar të ashtu-quajturën Ushtrinë e Kosovës, shkruan Tanjug.
Sipas Daçiqit, Ushtria e Kosovës përjetoi përmbysje, ku më pas thotë, se Thaçi tani përpiqet të marrë vëmendjen e publikut vendas për çështjen e padis kundër Serbisë për gjenocid, transmeton lajmi.net.
Më tutje, thotë se ai është veçanërisht i vetëdijshëm se Serbia nuk ka kryer gjenocid në Kosovë, por UÇK-ja ka kryer gjenocid ndaj popullit serb.
