Chelsea po mendon të shpenzojë para të majme gjatë afatit kalimtar të verës, raporton zeri.info.
Sipas medieve britanike, klubi anglez e ka ndërmend t’i shpenzojë 100 milionë funte për ta përforcuar ekipin.
Lajmin e ka bërë të ditur tabloidi britanik “Mirror”, sipas së cilit pronari Roman Abramovich e ka ndarë buxhetin prej më shumë se 110 milionë eurosh për ta bërë një skuadër që mund të konkurrojë për të fituar trofe ndërkombëtarë.
Janë tre, objektivët kryesorë të klubit nga “Stamford Bridge” Moussa Dembele, sulmues i Celtic Glasgow, të cilin “Blues” e kërkuan edhe gjatë janarit, për të vazhduar më pas me Alvaro Moratan, sulmuesin që nuk po përdoret shumë nga Real Madridi, e që pëlqehet shumë nga trajneri Antonio Conte, si dhe Virgil van Dijk, mbrojtësi qendror i Southamptonit, për të cilin duhet mposhtur konkurrenca e Liverpoolit.